Meis torüüch,
Licht har Ingrid dat nich. Mien Fruu musse sick dran gewönnen,
wenn wi döör de Elbtunnel in Richtung Norden rauschten, denn rauschten ehr vun doar an
anne Soacken döör de Kop as suns. Ers weer ick immer an spekuleren,
op ick de Koe kennen de, de doar anne Autoboan leppen, oder
op se woall von Elevation oder Osbornedale Ivanhoe oderr Emil II
afstammten. Un je mehr wi unsTollhuus necherten, desto langsamer woar ick, wenn
ick foarn de. Oder ower ingrid musse ob de Brems parn, weil ick me de Koeh
von Peder Hermann oder Claus Jüns ankiecken wull. Dat weer denn schon
gewönnungsbedüeftich füür so een Fruensmensch von de Stad,
ower dat weer jo allens nicks chegen dat, wat noch keem. Weern we ersmoal tohuus in
Tollhuus, versöchten se alle ersmoal hochdüütsch mit eer to schnacken. Bi de eerste
twee,dree Besöck tohuus kuun dat uck een veertelstün duurn, bit de ersten Heimatklänge
(Claus Hoeck, Wenn de Buur to Stadt kümmt) sick düürmochelt haarn.
Män wuhl joa Rücksicht nemmen. Ower mit de Tied woar dat immer ködder bit mien
Moadersproach sick dürsedde, denn bi uns tohuus woar Plattdüütsch schnackt.
Söss Joar muss ick tööm, um inne
School de ersde Brocken Hochdüütsch to leern. Un mien 3 Geschwister ching dat
chenau so. Woal hev ick dat förher moal probeert, denn wi harrn jo een Krog un
doar keemen alle mögliche Lüüd förbi und de schnackten denn uck moal Hochdüütsch.
Un weil ick kenn annere
Versöcksperson haar, musse mien Broder ran un ick hev denn uck richtig förnehm mid eem
schnackt:
"Hans Martein kumm raut mit mein" schall ick ünner anerm secht hem. Seggt I:Weer dat nich richtig
feine und agorode Hochdüütsch?
För een de Platt mit de Moadermelk opsoagen het, waer dat nich eenfach mit de Tweesproachigkeit.
Tohuus woar denn immer umschaltet. Schnagge man direkt mit mien Fruu, schnagge man Hochdüütsch,
ower returneere man op een Argument vun mien Öllern oder Cheschwister, denn ching dat up Platt wiider.
Un nu noa 25 Joar versteit se choot, wenn wi Platt schnacken.Veel afchewinnen deit se deese unse Dialegt
ümmer noch nich.
Wi forden meis so chegen negn,halftein los un weern denn to Kaffetied in Tollhuus. So gev dat denn glicks
Torden und Kocken. Un dat watt Ingrid gornich begrieben kun. Dat man örnlich Midach itt, dat man
tweeunhalf Stunnen dornoah noch moal Kaffe und Kocken tosick nimmt un denn Omens to Ombrot
Broatkartüffeln, Grütt un Brot itt und denn so chegen halftein noch moal Kaffe und Torden serveert kricht,
wenn man Besöck hett. Un de Torden, meis poar mehr ass een, warn denn rumschickt un man ward
chutt oschnackt, doch een Stück to nemmen. För mi weer dat chewohnt. Dat weer doarmals so. Waer Visite oder
Koardenclub, gev dat ümmer so wat. Mit de Joaren ännere sick dat. Uck in Tollhuus woar kalorienbewusster
opdischt un mien Modder ching dat konsequent an, ower nur för sick selbst. Vader toleev un de chanze
Familie moage se Tocheständnisse, so dat wi ümmer verwöhnt woarn, wenn wi no Tollhuus kaemmen.
Nodem ick mien ersden döttich Joar in SH, de wull schönste Bundesland fun de Weld leevt heff, bin ick denn no
Westfalen utwandert, doar mien Fruu kennenleernt un sun richdige westfälische Kotten bewonnt, 3 Kinner
grotttrucken un een nedde Tied hatt. Ower föar twee Joar is denn de Firma fun Münster noa Krefeld umtrucken un
ick musse achderran.
Intwischen waer ick ower längst erwussen un wonne nich mehr inne schönste Bundesland fun de Welt.
Dorbi waer ick mien eerstn döttich Joar nich ut SH ruttkoomen, siet man fun sun poar Reisen no Norden un
Süden aff. Un Süden, dat is kloar allens dat wat südlich fun Hamburg Holt, wo de Bananen wassen,licht.
So harr uns Vadder uns ass Kinner ümmer verteelt, wat Süden iss. Noo Dänemark harr ick dat in ersde 30
Joar uck een poar mal schafft.
För een de 20 km fun de dänische Grens levt haett un in Flensbirg un Niebüll to School goan haett, is dat
wuhl uck dat mindeste. Op Röm wär ick een poar Moal wi un inne Nächde vun Sonderburg. heff ick moal
Urlaub mogt. Un weil wi 1974 schon een Gastank in'd Audo harrn, ching dat immer bi Padborg öwer de
Grens tum Tan(g)ken.