Nu is genuch
Ick heev mien Ohrn spitzt as he,Gauland, dat secht hett:"Wir werden uns unser Land und unser Volk zurückholen." Doar löpt mi een kolde Schuur öwer de Rüch. Will ick torüch hold warn? Will he mi mid Gewald torüch holen? Woneem? 'Lewwer duad üs Slaaw' seggn de Nordfriesn. Mien Opa weer een Nordfriese un Buer. Un as Kinner sin wi öft mit eem los ween, tum `Silo' holen oder tum Reuben loden. Un doar ha he Tied vun fröher to veteeln. Un hett uns dat öft vetellt, so dat wi dat deep in unse Weertsien beholn hem: Sien Nachboarn un Fründe weern in de NSDAP un wulln eem as Kröger uck doar rinhem un he hett sick lang sparrt, weil he schon fröh glövt hett, dat Htiler Kriech föhren wull. Sien Frünnen un Noarboars hemm denn immer wedder op emm inschnangt und eem bedüdet, dat Hitler doch keen Kriech wull, nich för dat dütsche Volk, nich för dat dütsche Vaterland. Nu, wi weden all wi dat koam is. Man durf nich mehr denken, Nachboarn, de Hitler kritiseert hem keem in'd KZ oder ind Gefängnis. Eene fun de, de mien Opa denn doch överredet hem, in de NSDAP intotreten, neem ennes Dages sien Gewehr un hett mid de Wöör: "He(Hitler) lüggt", op de Volksempfänger schuten. Wat uns Opa uns dormoals vermiddelt hett, is dat folgende: "Nimm dat ernst, wat se vetelln, wi se sick opfören. No buuten sin se öft katenfründlich und Du hes dat Geföhl, doar is wat dran, an dat we se vetellen.' Over wenn Du nich spurst, denn steken se di int Gefängnis oder goar in'd KZ. Du hees kenn Rechte mehr, Du mus di ducken, wenn Du een anner Mennung hess oder Du bis wech vun de Fenster.' Un wenn ick mi dat recht öwerlegg, denn is dat genau dat, wat se ünner Volk un Vaterland vespoan. Doar gehören nur de Gliekgeknipsten doarto.' Mien Opa hett uns dat dütlich moagt:Nimm dat irnst, wad se vetellen. Lod di nich ophetzen! Behol een köhle Kop un sed di in för dat Recht fun jedeen goad to lem un frii to sien. Wenn Gauland sick 'sien' Volk torüch holen will, denn denk ick an all dat Unrecht, an all dat Elend, an all de Morde, de Hitler un sien Soldaten (tum grodendeel dwungenermaaten) öwer de Welt bröcht hem. Un denn segg ick mi: Lod uns för Friheit, Bröderlichkeit un Glickheit un för dat Öwerlem vun disse eene Weld op de Straat goan. Glauland: Mid disse Spruch hess Du die veroaden. Gauland: Nu is dat genuch!