In mien Angeln
Christian Paulsen
In mien Angeln geiht dat sinnig to,
Doar bis Du as Mensch meis ümmer goot to Mo.
Dat Leven is hier een Genuss,
Wo vun dat kümt,
Is, wad Du selfs ruutfinnen muss.
Kum to Besoek, no uns to Huus,
Denn moakt wi jeden Dag een Tour up Rad,
Denn gohn wi dat moal op de Grund,
Foarn eenfach moal sun Rund.
In mien Angeln geit dat sinnig to,
Doar bis Du as Mensch meis ümmer goot to Mo.
Kum to Beesoek, no uns Tohuus,
Denn foarn wi moal so dör de Gegnd,
No Tante Anne in de Krooch,
Doar sitts Du fien an Troch,
un klönts mit all de annern Lüd,
de een vun näch, de annern uck vun wied.
Un alltohoopen hebt in de olle Krooch soveel Ruh un Tied.
In mien Angeln geit dat sinnig to,
Doar bis Du as Mensch meis ümmer god to Mo.
Sünnavend foarn wi uck mit Rad no Schleswig op de Markt,
Besoekn op de Weg uck noch een Buernloden,
Doar kop wi so gemütlich in, ganz ohne een Infarkt,
Wie kopt Katüffeln,Arven,Wuddeln, digge Bohn,
Un avends givt dat Schnüüsch as Lohn.
In mien Angeln geit dat sinnig to,
Doar bis Du as Mensch meis ümmer goot to Mo.
Wi foarn denn dör de Straten,
Um all de Lüd mit Moin to gröten
De Olln, de Jungen un de Söten.
Un in de Goarn doar blön de Bloom!
Malven, Rosen , Sunnenbloom
Stoan doar meis as in een Droam.
In mien Angeln geit dat sinnig to, Doar bis Du as Mensch meis ümmer goot to Mo.
Un sind wie goot towegs,
denn foarn wi an de Ostsee lang,
Fun Maasholm no Habernis,
Doar is uns wull Genuß gewiss.
Löts dien Oogen öwert Wader glien,
kanns Du eenfach bi di sien.
Sin doar poar Wolken oder is de Himmel blau,
Denn verleevs di in mien Angeln gau.
In mien Angeln geit dat sinnig to,
Doar hess as Mensch meis ümmer gode Mo.
Doar wo man sick op sick besinnt,
Annern uck wad afgewinnt,
Sick freud op Di un Di,
Doar finns Du de Grund för all de goode Mo,
Mien Angeln, fun näch un wied prost ick di eenfach to.
Glövs nu: In mien Angeln geit dat sinnig to,
Moin,Moin, prost ick Di eenfach to.